Posts
നിനക്കുണ്ണാനില്ലാതിരുന്നാലും
എനിയ്ക്കുണ്ണാതിരിയ്ക്കാനാകില്ല.
നീണ്ട വിശപ്പില്‍ തളരുന്ന നിന്നെ
താങ്ങാനെനിയ്‌ക്കൊരു നേരവും
മൃഷ്ടാനമുണ്ണാതിരിയ്ക്കുവാനാകില്ല.
നിനക്കു ഞാനും എനിയ്ക്കുനീയുമേയുള്ളു.
നീണ്ട വിശപ്പിനാല്‍ തളരുന്ന നിന്നില്‍
നിന്റെ കാമമുണരാതിരുന്നാലും
എനിയ്‌ക്കെന്റെ കാമം തീര്‍ത്തല്ലേ തീരൂ.
അസംതൃപ്തകാമം കൊല്ലും പ്രണയത്തെ-
യതിനാല്‍ കാമസംപൂര്‍ത്തിയ്ക്കു നീ-
മാത്രമല്ലനേകം ഗോപികമാരുണ്ടെന്‍
പ്രണയവല്ലരിയില്‍ നീരൊഴുക്കീടുവാന്‍.
നിനക്കു ഞാനും എനിയ്ക്കു നീയുമേയുള്ളു.
നിനക്കു ഞാനും എനിയ്ക്കു നീയുമേയുള്ളു-
വതിനാല്‍ നിന്നിലെ കാമമുറക്കി,
വരണ്ട മണ്ണില്‍, നിന്റെ കിനാക്കളെ
വറുത്തു, കുഴിയാഴത്തില്‍ കുത്തി-
യതിലിട്ടതിന്മേല്‍ കനലെരിയ്ക്കുന്നു
തിരിച്ചറിയുക നീയെന്റെ നിര്‍മ്മലപ്രണയത്തെ.
നിനക്കു ഞാനും എനിയ്ക്കു നീയുമേയുള്ളു.
No comments:
Post a Comment