Posts
പ്രണാമം ഗുരോ പ്രണാമം, നമിയ്ക്കുന്നു നിന്നെ,
ഞാനര്‍പ്പിയ്ക്കുന്നു നിന്‍ തൃപ്പാദങ്ങളി-
ലെന്റെ രുധിരപുഷ്പങ്ങളായിരം.
ഹൃദയം പിളര്‍ന്നുതിരും രുധിരത്തില്‍
മുളച്ചചുടു ചെന്താമരപുഷ്പങ്ങള്‍.
ദ്രോണരായിരുന്നില്ല നീ, നിന-
ക്കില്ലായിരുന്നു സ്വാര്‍ത്ഥ ലക്ഷ്യങ്ങള്‍.
അറുത്തുവാങ്ങിയില്ലൊരു പെരുവിരലും
ആട്ടിയില്ല വെളിച്ചത്തെ, ഒരു ചണ്ഡാലനേയും.
തെളിച്ചു ദീപ്തമാം വെളിച്ചത്തെ, നീ-
യകറ്റി ഞങ്ങള്‍തന്നിരുണ്ട ചിത്തത്തെ-
യതുപോല്‍ തൂലികപ്പടവാളുയര്‍ത്തി നീ-
പ്പൊരുതിയറുത്തെറിഞ്ഞു ഇരുട്ടില്‍
വിതയ്ക്കും വിഷവിത്തു പേറും കറുത്ത-
കൈകളെ, പുലരേ പൂര്‍വ്വതിങ്കളെത്തിടാന്‍.
ആരുമില്ലിനി നിന്‍ അശ്വമേറിപ്പഎന്ന്
പടവാളുയുര്‍ത്തിച്ചുഴറ്റി അശ്വമേധം ജയിച്ചിടാന്‍.
അനാഥര്‍ ഞങ്ങളര്‍പ്പിപ്പൂ കോടിപ്രണാമമെന്‍....
ഗുരുവേ,
പൊറുക്ക,
നന്ദികെട്ട ഞങ്ങള്‍ നിന്ദകാട്ടിയെങ്കില്‍!
