പുല്‍ക്കൊടി 
                ലൂസിഫര്‍

പുലര്‍കാല മഞ്ഞിന്‍ കണമല്ലിതു വിരഹ-
ദുഖിതയാമാപ്പുല്‍ കൊടിതന്‍ കണ്ണുനീര്   
മുത്തുകളായി ഉതിരുകയല്ലെ!

അവള്‍തന്‍ ഹൃദയം നുറുങ്ങിനിറഞ്ഞു
വിതുമ്പി തുളുമ്പി കേഴുകയെല്ലേ!

രാവില്‍വന്നെത്തുമാ പാലൊളിച്ചന്ദ്രന്‍,
അല്ലയാ താരക കൂട്ടത്തിലൊരുവനോ
അല്ല മറ്റേതൊരു ഗന്ധര്‍വനോ അവളെ
പ്രണയമോടെ വാരി പുണര്‍ന്നിട്ടുണ്ടാകാം!
അനുരാഗമോടെ അവളും ചുംബിച്ചിടാം!
രൗദ്രസൂര്യന്‍ പുലര്‍കാലെ
വന്നനേരം വ്യഥയോടെ
പ്രിയനവനോടി മറഞ്ഞതിനാലാവാം
അതാവാം പുലരി വന്നനേരമവളുടെ
കണ്ണുനീരീയിങ്ങനെ കണമായടര്‍ന്നത്.

ഗുണവാനായ സാറ്

ലൂസിഫര്‍

എന്തരപ്പീ ഈ നല്ല സാറിന്റെ ഗുണങ്ങള്?
പീസീജോര്‍ജ്ജ്് സാറും യാമിനിതങ്കച്ചി മാഡവും
പറഞ്ഞ കഥകള് തന്നെ?
യേത്!
ഇപ്പപറഞ്ഞ് കേക്കണ കഥകളുണ്ടല്ല്, അദ്തന്നെ!
അപ്പ നിങ്ങളും ഇങ്ങനെയൊക്കെ തന്നേ?
അദ്താണ്്!
അപ്പ പറയീം, ഇതിനൊക്കെ കൂലികളൊക്കെങ്ങനെ?
ചില്ലറയായിട്ടാ
അതാ മൊത്തമായിട്ട് തന്നെ?
ഓ... എന്തരങ്കിലുമാവട്ട്.
കാര്യങ്ങള് നടന്നാ മതി.
വരീം വര്‍ക്കിച്ചാ നമക്കങ്ങാട് മാറിനയക്കാം
ടേ..ടേ, രാക്കുട്ടാ... വാടെ, വടെ...
എവര് പുലിയാണ് കേട്ടാ!
വെറും പുലിയല്ല, പുപ്പുലി...!!!!!

ആത്മഹത്യ

ലൂസിഫര്‍
                                                                                                                      
ഇല്ല ഞാനിനിയില്ല സ്വയം വെട്ടി മരിയ്ക്കുന്നു
പണംകായ്ക്കുമെന്നെയും വെട്ടിവില്ക്കും മുമ്പേ!
പണം കായ്ക്കുന്ന മരം തേടുന്നവരാരും
കേള്‍ക്കില്ലൊരിയ്ക്കലും ഈ മണ്ണിന്‍ നിലവിളി.

അലയുന്നൂ വനാന്തരങ്ങളില്‍ പണം കായ്ക്കും
മരങ്ങളോരോന്നായി വെട്ടവെട്ടി എേഴു കടല-
തിനുമക്കരെ വാഴും യജമാനര്‍ തന്‍ പാദങ്ങ-
ളില്‍ തിരുമുല്‍ക്കാഴ്ച വയ്ക്കുന്ന സാമന്ത-
രാജാക്കള്‍, കേള്‍ക്കില്ലൊരു ചെറു മരത്തിന്റേം
രോദനങ്ങള്‍ ഞരക്കങ്ങള്‍ ആവലാതികളൊന്നും.

തോളില്‍ നുകം വച്ചുഴുയ്ക്കും കര്‍ഷകന്റെ ഞരക്കം
ചാട്ടവാറിന്‍ ശീല്ക്കാരത്തിലമര്‍ത്തി വയ്ക്കുന്നീ
സ്ഫടിക കൊട്ടാരംവാഴും തമ്പുരാക്കള്‍ നാടിന്റെ
യജമാനര്‍ സാമന്തരാജാക്കള്‍ പാദസേവകര്‍!

ഇല്ല ഞാനിനിയില്ല സ്വയം വെട്ടി മരിയ്ക്കുന്നു
പണംകായ്ക്കുമെന്നെയും വെട്ടിവില്ക്കും മുമ്പേ!

lucifer-thoughts.blogspot.com
lucifer.de.recluse@gmail.com
anrajendran62@gmail.com
mob: 8281 40 77 76, 9048 51 71 02

ആണവോര്‍ജ്ജവും ആണവക്കരാറും

                                                              
                                                    ലൂസിഫര്‍

                   സി.പി.എം ആണവോര്‍ജ്ജത്തെയല്ല, ആണവക്കരാറിനെയാണ് എതിര്‍ത്തത്.

         ആണവക്കരാറും ആണവോര്‍ജ്ജവും ഒന്നല്ല, രണ്ടാണ്.

         ആണവക്കരാറിലൊപ്പുവയ്ക്കുന്നത് മൂലം ഇന്ത്യയുടെ സ്വയംഭരണാധികാരവും, ആണവോര്‍ജ്ജ ഗവേഷണരംഗത്ത് ഇന്ത്യയാര്‍ജ്ജിച്ച നേട്ടങ്ങളും ആണവക്കരാറിലൂടെ നഷ്ടമാവുകയും അമേരിയ്ക്കയുടെ സാമന്തരാജ്യമായും നാറ്റോസഖ്യകക്ഷികളുടെ യുദ്ധത്താവളമായും ഇന്ത്യമാറ്റപ്പെടുമെന്നതിനേയുമാണ് അന്ന് എതിര്‍ത്തത്.

        ആണവ ഗവേഷണരംഗത്ത് വികസിതരാജ്യങ്ങള്‍ക്കൊപ്പം സ്വയം വളര്‍ന്ന രാജ്യമായിരുന്നു ഇന്ത്യ. ഇന്ത്യയുടെ ആറ്റംബോംബും ആണവ നിലയങ്ങളും അതിന് തെളിവുകളാണ്.

        അമേരിയ്ക്കയുടേയും മറ്റും സഹകരണത്താല്‍ ഇന്ത്യയില്‍ പ്രവര്‍ത്തിച്ചിരുന്ന ആണവനിലയങ്ങള്‍ മുന്നറിയിപ്പില്ലാതെ അടച്ചുപൂട്ടുകയും ഇന്ത്യയെ ഊര്‍ജ്ജ പ്രതിസന്ധിയിലേയ്ക്ക് തള്ളിയിടുകയും ചെയ്ത ചരിത്രം പണ്ടും അമേരിയ്ക്കയില്‍ നിന്നുമുണ്ടായിട്ടുണ്ട്.

         ആണവക്കരാറിലേര്‍പ്പെടുന്നതോടുകൂടി ആണവ ഗവേഷണരംഗത്ത് ഇന്ത്യയ്ക്ക് പിന്നോട്ട് പോകേണ്ടിവരികയും, പ്രതിരോധ രംഗത്ത് പിന്നോട്ടടിയുണ്ടാവുകയറും ചെയ്യുമെന്ന ആശങ്കയാണ് അന്നത്തെ പ്രക്ഷോഭങ്ങള്‍ക്കാധാരം.

        ഇതിനെതിരെ നടന്ന സമരങ്ങളെ വ്യക്തതയോടെ നയിച്ചവര്‍ തന്നെ,  കേവലം കൈയ്യടിയ്ക്കും വിഭാഗിയതയ്ക്കും വേണ്ടി ആണവക്കരാറില്‍ നിന്നും ആണവോര്‍ജ്ജത്തിലേയ്ക്ക്   അന്നത്തെ പ്രക്ഷോഭത്തെ കേവലപ്പെടുത്തുകയും, തന്റെ വഞ്ചനാപരമായ ചെയ്തികളേയും നിലപാടുകളേയും ന്യായീകരിയ്ക്കുന്നതിനും വേണ്ടി ഉപയോഗിയ്ക്കുകയും ചെയ്യുന്നത് അപകടകരമായ രാഷ്ട്രീയ അവസ്ഥ സൃഷ്ടിയ്ക്കും.

        ചുളുവില്‍ കൈയ്യടി വാങ്ങാന്‍ കാട്ടുന്ന രാഷ്ട്രീയ തറവേല ആര്‍ക്കും മനസ്സിലാകില്ല എന്ന് ചിന്തിയ്ക്കുന്നത്, പണ്ട് ഉടുതുണിയില്ലതെ നടന്ന രാജാവിന്റെ വംഗത്തരത്തേയാണ് സൂചിപ്പിയ്ക്കുന്നത്.

                  പതിനയ്യായിരം കോടിരൂപ ചിലവിട്ട, വര്‍ഷങ്ങളുടെ കാലദൈര്‍ഘ്യമെടുത്തു പൂര്‍ത്തിയാക്കിയ, ഒരു പദ്ധതിയെ, അത് കമ്മിഷന്‍ ചെയ്യുന്നകാലംവരെ കാത്തിരുന്നശേഷം, കമ്മിഷന്‍ ചെയ്യാന്‍ പോകുന്ന ഘട്ടത്തില്‍ സമരം ചെയ്ത് കൊലചെയ്യുന്നത് എേറ്റവും കൂടുതല്‍ ഊര്‍ജ്ജപ്രതിസന്ധി നേരിടുന്ന ഒരു സംസ്ഥാനത്തെ ദ്രോഹിയ്ക്കുകയും രാജ്യത്തിന്റെ പൊതുസമ്പത്തിനെ നശിപ്പിയ്ക്കുകയും ചെയ്യുന്ന രാജ്യദ്രോഹമാണെന്ന തിരിച്ചറിവിക്കൂട്ടര്‍ക്ക് ഉണ്ടാകത്തത്, ചിന്താശൂന്യരായ ഒരു വിഭാഗത്തിന്റെ കൈയ്യടിയ്ക്കുവേണ്ടിയും സ്വാര്‍ത്ഥ രാഷ്ട്രീയ താത്പര്യം സൂരക്ഷിയ്ക്കുന്നതിനുമാണ്.

                അനാവശ്യ കാരണങ്ങള്‍ പറഞ്ഞ് വൈദ്യുതോര്‍ജ്ജത്തെ തടസ്സപ്പെടുന്നവര്‍ക്ക് ചുരുങ്ങിയത് ഒരു വര്‍ഷത്തേയ്‌ക്കെങ്കിലും വൈദ്യുത ഉപരോധം എേര്‍പ്പെടുത്തണം.

       ആണവക്കരാറും ആണവോര്‍ജ്ജവും ഒന്നല്ല, രണ്ടാണെന്ന തിരിച്ചറിവ് മറച്ചുവച്ച് നവ പ്രക്ഷോഭകാരികളെ ഒന്നുകൂടുപ്പഠിപ്പിയ്‌ക്കേണ്ടത് കാലഘട്ടത്തിന്റെ ആവശ്യമാണെന്ന് ഇക്കൂട്ടരെ ഉത്തരവാദപ്പെട്ടവര്‍ മനസ്സിലാക്കണം.

ചിലന്തിയും വലയും

       ലൂസിഫര്‍

വരിക വരിക എന്നിരകളെ
വലകെട്ടി നേരമേറെയായി
കാത്തുകാത്തിരിയ്ക്കുന്നു
നിങ്ങള്‍ തന്‍ വരവിനായി
കത്തും വയറോടെ, ഞാന്‍.

നിങ്ങളറിയുക വലകെട്ടി
ചതിയിലൂടെയല്ലാതിരതേടാറി-
ല്ലൊരിയ്ക്കലും, അതുമത്രമേ
മാര്‍ഗ്ഗമേതുമുള്ളു, ദുര്‍ബ്ബലന്‍
ഞാനെന്നറിയുക, പൊറുക്കുക
നിങ്ങളെന്നോട്.

കത്തും വിശപ്പടക്കാനല്ലാതി-
രതേടാറില്ലൊരിയ്ക്കലും
ഇല്ല, വില്‍ക്കില്ലെന്‍ പൈതൃകവും
മാതൃത്വവും പാതിവ്രത്യവും.

വലകെട്ടില്ല ഞാനിരകളാ-
ക്കാനീ നാടിന്‍ നിസ്സഹായതയെ,
ബലിനല്‍കില്ലെന്‍ സഹ-
ജീവികളെ തുഛമാം നാണയ-
തുട്ടിന്‍കിലുക്കത്തില്‍,
ഇല്ല, അഴിയ്ക്കില്ലീ നാടിന്‍
താരുണ്യത്തിന്‍ മടിക്കുത്തൊരു
നിശാനൃത്തശാലയിലും വിടന്മാര്‍.

അറിയുക,
ഞാനിരതേടുന്നതെന്‍ കത്തും
വിശപ്പടക്കാനല്ലോ, 
പൊറുക്കുക
വലകെട്ടിയല്ലാതിരതേടാ-
നാവില്ലെനിയ്ക്ക്,
ഞാന്‍ ദുര്‍ബ്ബലന്‍.


     
  

പുലരി

           
         ലൂസിഫര്‍

മാറ്റുകയിരുട്ടിന്‍ കരിമ്പടം നീ
എത്തി നിന്‍ കാന്തന്‍ ഞാന്‍ -
പുലര്‍കാലേ, വിരഹം തീര്‍ത്തൊ-
രേകാന്ത തടവറ വിട്ടിറങ്ങുക.

രാവിന്‍ മാറാല മാറ്റി നിന്നെ
സൂര്യന്‍ ഞാന്‍ കോരിയെടുക്കട്ടെ 
ശോണിമ പടരും കവിളിലൊ-
രായിരം മുത്തമേകാം ഞാന്‍.

lucifer.de.recluse@gmail.com
mob: 8281407776; 9048517102
              

ജന്മഗുണം തൂത്താല്‍ പോവില്ലല്ലോ!

                                                       

                                                           
                                                 ലൂസിഫര്‍
                                     mobile 8281407776;  9048517102
                                        lucifer-thoughts blog spot.com

    എന്‍.എസ്.യൂ നേതാവ് മാര്‍ക്‌സിസ്റ്റ് പാര്‍ട്ടിയുടെ അംഗീകാരം റദ്ദു ചെയ്യാന്‍ തെരഞ്ഞെടുപ്പുകമ്മീഷന് പരാതി നല്കി പോലും
  എന്‍.എസ്.യൂ നേതാവിനിതിനപ്പുറം എന്തുകാട്ടാനാ. ജന്മഗുണം തൂത്താല്‍ പോവില്ലല്ലോ! ആകെ നാറി തൊലിയുരിഞ്ഞു നില്ക്കുകയല്ലേ പ്രധാനമന്ത്രിയും കോണ്‍ഗ്രസ് ഹൈക്കമാന്റും. അവര്‍ക്കൊരാശ്വാസവും മാര്‍ക്‌സിസ്റ്റ വിരുദ്ധരുടെ വറട്ടു ചൊറിയിന്മേലൊന്നു ചൊറിഞ്ഞു കൊടുക്കലുമാകാം! അത്രയേ ഈ വദ്വാന്‍ ഉദ്ദേശിച്ചുള്ളു.
             ലാവ്‌ലിന്‍ കേസില്‍ സി.എ.ജിയുടെ റിപ്പോര്‍ട്ടിനെ ചൊല്ലി എന്ത് വിവാദമായിരുന്നു. അതില്‍ കുറ്റാക്കാരായ കോണ്‍ഗ്രസ് നേതാക്കന്മാരെക്കുറിച്ച് ഒറ്റയക്ഷരം പറയാതെ പിണറായിയുടെ തലയില്‍ കെട്ടിവച്ച് സ്വന്തം നേതാക്കന്മാര്‍ക്ക് ആഭിചാരക്രിയ ചെയ്യുന്ന ഊത്തൂതുന്നവനും മൂത്തു നില്ക്കുന്നവനും കല്‍ക്കരി കേസില്‍െ സി.എ.ജിയുടെ കണ്ടെത്തലിനേക്കുറിച്ച് ഒരക്ഷരം പറയാനില്ല. സ്വന്തം നാവ് അണ്ണാക്കുവഴി ആസനത്തില്‍ കുരുങ്ങിപ്പോയോ?

             കേരളത്തില്‍ സ്വാതന്ത്ര്യാനന്തരവും അതിന് മുമ്പും കോണ്‍ഗ്രസ്സുകാര്‍ ഭൂജന്മിമാരോടും സവര്‍ണ്ണ ഹിന്ദുക്കളോടും ഒട്ടിനിന്ന് അവര്‍ണ്ണക്കെതിരെ നിലപാട് സ്വീകരിച്ചവരാണ്. സവര്‍ണ്ണ ഹിന്ദുക്കളുടെ സംരക്ഷണ കേന്ദ്രമായിരുന്നു, കോണ്‍ഗ്രസ്. നവോഥാന പ്രസ്ഥാനത്തേയും ആശയങ്ങളേയും പ്രയോഗവത്ക്കരിച്ച് കേരളത്തിനെ സാംസ്‌കാരികമായും വിദ്യാഭ്യാസപരമായും ജാതിസ്പര്‍ദ്ദയ്ക്കതീതമായി മുന്നേട്ട് നയിച്ചത് കമ്മ്യൂണിസ്റ്റ് പ്രസ്ഥാനമായിരുന്നു. അതിന്റെ ഗുണഭോക്തക്കളില്‍ പലര്‍ക്കുമിന്ന് കമ്മ്യൂണിസ്റ്റ് പ്രസ്ഥാനത്തോട് പരമ പുഛം!

      എരന്ന് വാങ്ങിയ ഭക്ഷണം എരന്ന് വാങ്ങി മൃഷ്ടാന്നം ഉഴുട്ടി ഉരുട്ടി വിഴുങ്ങി പള്ള വീര്‍പ്പിച്ച നീട്ടിവലിച്ച് ഒരേമ്പക്കവും വിട്ടിട്ട് അന്ന ദാദാവിനെ ഭള്ളുവിളിയ്ക്കുന്ന അല്പന്മാരുടെ നണ്ണം അനുദിനം കൂടിക്കൂടി വരുന്നു. എന്തു ചെയ്യാം സാംസ്‌കാരിക കേരളം ഇതും സഹിയ്ക്കണമായിരിയ്ക്കും.
             ശംഭോ മഹാദേവാ